Ghazal Shayari

Kitni Be-saakhta Khata Hun Main

Ghazal Shayari, Poet, Poetry
Kitni be-saakhta khata hun main, aap ki raghbat-o-razaa hun main. Maine jab saaz chhedna chaaha, khaamoshi cheekh uthi sadaa hun main. Hashr ki subah tak toh jaagunga, raat ka aakhiri diya hun main. Aap ne mujh ko khoob pehchaana, waaqayi sakht bewafaa hun main. Maine samjha tha main mohabbat hun, maine samjha tha mudda hun main. Kaash mujh ko koi bataaye ‘adam kis pariwash ki baddua hun main. !! – Abdul Hamid Adam

Bahar Bhi Ab Andar Jaisa Sannata Hai

Ghazal Shayari, Poet, Poetry
Bahar bhi ab andar jaisa sannaata hai, dariya ke us paar bhi gehra sannaata hai. Shor thame toh shayad sadiyaan beet chuki hain, ab tak lekin sehma sehma sannaata hai. Kis se bolun ye toh ek sehra hai jahaan par, main hun ya phir goonga behra sannaata hai. Jaise ek toofaan se pehle ki khamoshi, aaj meri basti mein aisa sannaata hai. Nayi sehar ki chaap na jaane kab ubhregi, chaaron jaanib raat ka gehra sannaata hai. Soch rahe ho socho lekin bol na padna, dekh rahe ho shehar mein kitna sannaata hai. Mehv-e-khwaab hain saari dekhne wali aankhen, jaagne wala bas ek andha sannaata hai. Darna hai toh anjaani aawaaz se darna, ye toh ‘aanis’ dekha-bhaala sannaata hai. !! – Aanis Moeen Poetry Collection

Woh Kuchh Gehri Soch Mein Aise Doob Gaya Hai

Ghazal Shayari, Poet, Poetry
Woh kuchh gehri soch mein aise doob gaya hai, baithe baithe nadii kinaare doob gaya hai. Aaj ki raat na jaane kitni lambi hogi, aaj ka sooraj shaam se pehle doob gaya hai. Woh jo pyaasa lagta tha sailaab-zada tha, paani paani kehte kehte doob gaya hai. Mere apne andar ek bhanwar tha jis mein, mera sab kuchh saath hi mere doob gaya hai. Shor toh yun utha tha jaise ek toofaan ho, sanaatte mein jaane kaise doob gaya hai. Aakhiri khwaahish poori kar ke jeena kaisa, aanis’ bhi saahil tak aa ke doob gaya hai. !! – Aanis Moeen Poetry Collection

Sochna Chor Bhi De Aye Dil-E-Nakaam Usy

Ghazal Shayari, Home, Poetry
Sochna Chor Bhi De Aye Dil-E-Nakaam Usy Tere Siwa Bhi Hain Duniya Main Kayi Kaam Usy Tu K Barbad Hai, Bad-Naam Hai, Gum-Naam Bhi Hai Chahte Hain Kayi Mash-Hoor Naik Naam Usy Tu K Har Dor Ki Har Daur Main Nakaam Raha Aur Milte Hi Chale Aye Hain Inaam Usy Teri Qabar Pe Tu Kutba Na Theher Paye Ga Acron Mil Gaye Hain Maqbary K Naam Usy Teri Khushiyon Main Khush Tha Haye Afsos Magar Tere Gham Ka Na Raha Koi Ehtaraam Usy Sambhal Dil Ko Asad Apne Aur Sakoon Se Phir KHUDA Pe Chor De, Karne De Us K Kaam Usy...

Us Zakhm-E-Jaan K Naam Jo Ab Tak Nahi Bhara

Ghazal Shayari, Home, Poetry
Us Zakhm-E-Jaan K Naam, Jo Ab Tak Nahi Bhara Us Zinda Dil K Naam, Jo Ab Tak Nahi Mara Us Zindagi K Naam, Guzara Nahi Jise Us Qarz-E-Funn K Naam, Utara Nahi Jise Ehal-E-Nazar K Naam, Jo Johar Shanaas Hain Ehal-E-Wafa K Naam, Jo Funn Ki Aas Hain Un Doston K Naam, Jo Gosha Nasheen Hain Un Be-Hisson K Naam, Jo Baar-E-Zameen Hain Un Ehal-E-Dil K Naam, Jo Raahon Ki Dhool Hain Un Hoslon K Naam, Jinhe Dukh Qabool Hain Us Shol Rukh K Naam, K Roshan Hai Jis Se Raat Hai Zoofishaan Andhere Main, Har Nuqta-E-Qainaat Aur Husn-E-Bakamaal Ki, Ra'naiyon K Naam Aur Apne Zehen-O-Qalb Ki, Tanhaiyon K Naam...

Tere Lehje Main Jo Khanki Hai Kabhi Socha Hai

Ghazal Shayari, Home, Poetry
Tere Lehje Main Jo Khanki Hai Kabhi Socha Hai Ye Mere Jism Ko Be-Jaan Kiye Jati Hai Teri Yad Main Tujh Ko Kahan Khabar Hai Sanam Ye 'Nimra' Roz Toot'ti Hai Bikhar Jati Hai Yoon Tere Hijr Main Din Rat Mere Kat'te Hain K Jese Rooh Meri Nilaam Hui Jati Hai Main Tere Pyar Ko Har Pal Tarasti Rehti Hun Yunhi Har Sham Meri Roz Guzar Jati Hai Teri Narazgi Halat Ye Meri Karti Hai K Jese Jism Se Ye Jaan Nikal Jati Hai Teri Har Bat Yad Kar K Dil Ye Rota Hai Meri Har Sham Jana Yoon Teri Ho Jati Hai Faqat Ye Rabta Hi To Sahara Hai Mera Us Ki Har Bat Gehra Zakhm Bhi De Jati Hai Tere Deedar Ko Ankhain Meri Tarasti Hain Aur Har Roz Ye Khawahish Bhi Bikhar Jati Hai...

Uski Aankhon Main Mohabbat Ka Sitara Hoga

Ghazal Shayari, Home, Poetry
Uski Aankhon Main Mohabbat Ka Sitara Hoga Ek Din Aye Ga Wo Shakhs Humara Hoga, Tum Jahan Mere Liye Sipiyan Chunti Hogi Wo Kisi Aur Hi Duniya Ka Kinara Hoga, Zindagi.. Ab K Mera Naam Na Shamil Karna Gar Ye Tay Hai K Yehi Khail Dobara Hoga, Jis K Hone Se Meri Sans Chala Karti Thi Kis Tarha Us K Bagair Guzara Hoga, Ye Achanak Jo Ujaala Sa Hua Jata Hai Dil Ne Chupkay Se Tera Naam Pukaara Hoga, Ishq Karna Hai To Din Raat Usy Sochna Hai Aur Kuch Zehen Main Aaya To Khasara Hoga, Ye Jo Pani Main Chala Aya Sunehri Sa Gharoor Us Ne Darya Main Kahin Paun Utara Hoga, Kon Rota Hai Yahan Raat K Sannaton Me Mere Jesa Hi Koi Hijar Ka Mara Hoga, Mujh Ko Maloom Hai Junhi Main Qadam Rakhun ga Zindagi Tera Koi Aur Kinara Hoga, Jo Meri Rooh Main Baadal Se Garajte Hain WASI ...

Dard Chahe Kitna Ho Tabassum Ko Ana Hi Hota Hai

Ghazal Shayari, Home, Poetry
Dard Chahe Kitna Ho Tabassum Ko Ana Hi Hota Hai Dewana To Akhir 'Faisal' Dewana Hi Hota Hai Kin Kin Ghazlon Main Meri Tera Zikr Ata Hai Warna Har Ghazal Main Gunah-E-Shama-O-Parwaana Hi Hota Hai Chalo Aaj Mehfil Main Teri Wafa Ki Baten Karte Hain Yun To Har Mehfil Main Bewafaon Ka Afsana Hi Hota Hai Wo Ainy K Samny Aina-Saazi Ki Fikr Jaan-E-Jaan Jahan Toot'te Hain Aise Ainy Wo Sanam-Khana Hi Hota Hai Majnu Hai Koi Qais Hai Koi Murattab Kar Gaya Ishq Dewanaa To Akhir 'Faisal' Dewana Hi Hota Hai...